هڪ ٻيو بہ سال… (نظم)

زندگيءَ جو بار ڀي نہ سگهياسين کڻِي،
۽ مري وڃڻ جو حوصلو ڀي نہ مليو..

رهياسين يا عمر سفر ۾ هيڪلا،
راھ ۾ ماڳ ڏي ڪو قافلو ڀي نہ مليو..

نفرتن جي نگر ۾ محبتن جو مٺا،
تھمتن کان سوا ڪو صلو ڀي نہ مليو..

رهبرن، رهزنن جيان لُٽيو ۽ ڪُٽيو،
هن ڀونء کي واهرو، ڀرجهلو ڀي نہ مليو..

فرياد کي داد ڪو، نہ سڏ کي ڪا بہ ورندِي،
ڏاڍ جي ڏيھ ۾ حق جو فيصلو ڀي نہ مليو..

مليا تہ رڳو جواب جا سوالي سوال مليا،
پنهنجي عروج تي پھتل ڪي زوال مليا..

اکين کي فقط هٿين خالي  مفلس خواب مليا،
۽ اسان جي اڃ کي صحرائن جا سراب مليا..

هاڻ ويھِي ڪجي بہ ڪھڙو ملال، گذري ويو
ايئن  زندگيءَ جو هڪ ٻيو بہ سال گذري ويو.